قدم الفنان المصري تامر حسنى، مواساته للفنانة دنيا سمير غانم، بعد قيامها بنعي والدتها الفنانة الراحلة دلال عبد العزيز بكلمات مؤثرة أبكت الجميع.
ووجه تامر رسالة مواساة مؤثرة لدنيا سمير غانم عبر صفحته على تطبيق “انستغرام” قائلا:”الله يرحمهم ويحسن إليهم واللي يصبرك يا دنيا إنهم هما الاثنين إن شاء الله وبرحمة ربنا مع بعض دلوقتي في عز شبابهم فرحانين وطبعا مفيش أجمل من إنهم راحوا عند اللي أحن عليهم من كل البشر”.
وتابع تامر حسنى:” هما راحوا دار الحق يعني مفيش هناك غير كل حب وخير وصدق، حبايب قلبي أدوا رسالتهم مع بعض وراحوا لربنا مع بعض عشان يكملوا الحياة الأبدية مع بعض يا رب ارحمهم وتقبلهم في أعلى درجات الجنة”.
وكانت دنيا سمر غانم، قد نعت والدتها الراحلة الفنانة دلال عبد العزيز، وسارع عدد كبير من نجوم الفن لمواساتها على رحيل والدتها ويشدون من أزرها في التعليقات ويدعون لها بالصبر والثبات.
وقالت دنيا: “ماعنديش حاجة أقولها غير إني فعلا بقيت يتيمة من غيرك يا أمي، أنت علمتينى الرضا وأنا راضية وعلمتيني أقول علي كل حاجة “الحمد لله”.
وتابعت:”اخر كلمة سمعتها منك قبل ما تمشي في عز عذابك وتعبك كانت “الحمد لله”، أنا مش زعلانة لأنى عارفة إنك عند ربنا الرحمن الرحيم اللطيف، ومع بابي حبيبي لإنكوا خلصتوا رحلتكم ورسالتكم في الدنيا.. أنا بس غصب عني بفضفض عشان انتوا هتوحشوني اوي.. بفضفض مع الناس الطيبة اللي دعائهم بيطمني عليكم ويصبرني.. ربنا يرحمكوا و يسعدكوا يا حبايبي يا أغلي الناس”.