خرجت لمياء حلاوة عن صمتها وعلقت على ما نشرته ياسمين عبد العزيز، على صفحتها الشخصية على “فيسبوك”، تعليقا على لقاء ريهام حجاج مع الإعلامية بوسى شلبى، والذى تحدثت خلاله عن كواليس زواجها من رجل الأعمال محمد حلاوة.
ونشر رجل الأعمال محمد حلاوة فيديو لشقيقته لمياء، عبر خاصية “ستوري” على إنستغرام، قالت فيه: “الحقيقة أنا شفت برنامج ريهام صاحبتى وأختى وزوجة أخويا، أنا فرحانة جدا بيه، خاصة إنها قالت كلام محترم وكلام من قلبها”.
وتابعت المتحدثة كلامها: “الحاجة اللى ضايقتنى وأزعجتنى جدا، ودى حاجة عائلية، إن أنا فوجئت بكلام بيتقال من كم ساعة..زى حرابيق..وكلام ميتصحش يتقال.. يا جماعة إحنا بقالنا 3 سنين بنتحارب ونتهاجم..وبيتقال علينا كلام غلط وإحنا مابنردش عشان مصلحة ولادنا..عشان ده اللى اتعلمناه في الدنيا إننا نخاف على ولادنا”.
ووجهت لمياء كلامها إلى ياسمين عبد العزيز قائلة: “بس إظاهر إن فيه ناس تانية مش فارق معاها الكلام ده.. إحنا خلاص خرجناكى من حياتنا وقفلنا صفحتك..مش بس كدة مابنفتكركيش..وعايزينك انتى كمان تركزى في صفحتك وتنسينا..وحاولى إن أنتى تكونى سعيدة..لإن إحنا بقينا سعداء وإحنا بعيد عنك..يارب يكون الكلام ده وصلك..لأن أنتى بكدة بتبوظى الصفحة الجديدة بتاعتك كمان”.