أوضح الفنان المغربي فيصل عزيزي عبر تدوينة نشرها بصفحته الخاصة على موقع التواصل الإجتماعي “فيسبوك”، عن سبب عدم مشاركته في برنامج “coke studio”.
وقال الفنان في التدوينة: “بالنسبة لكل من راسلني مستغرب علاش ماشي انا اللي مغني هاك آ ماما ف “coke studio”، نعاودها ليكم بحال الخرافة: واحد من صحابي الموسيقيين كان من بين الفريق ديال “coke studio” وشاف فوثائق بأنني من ضمن المشاركين وقالهالي، من موراها شي حد من الناس العاملين تما شاف ان أغنية “هاك آ ماما” كاينة من بين الأغاني المقررة، فأنا سمعت هاد الأخبار كلها و لكن ما تصوقتش لأنه ما اتاصل بيا حد”.
وأضاف “عزيزي”: “من موراها بشي شهر يمكن او اكثر كنت انا ففرنسا تكلم معايا شخص آخر تيعلمني ان “هاك آ ماما” غناوها مطربين اخرين و بأنهم خلاص سالاو التصوير، فأنا استغربت ووصيت شي حد يسول المسؤولين كيفاش تم إلغائي من هاد الشي فجاوبوه: احنا أتصلنا بيه و قال لينا انه مشغول وغايسافر برا”.
وتابع الفنان ذاته بالقول: “وأقسم بالله ما تاصل بيا حتى واحد و يختلقون مبررات لأنهم عارفين باللي بزاف غايقولوليهم، فيصل أولى! طبعا أولى وأول من اعاد إحياء هاد التراث القيم بمسؤولية تامة وبتجديد حقيقي، امّا موضوع إقصائي فأنا لا أعلم الأسباب و لا أريد ان أعرف، مكمل ف طريقي ليكم انتم اللي كاتشدكم النفس عليا، خليهم يدقو الخلالة راه لا يصح إلّا الصحيح”.
وختم فيصل عزيزي حديثه قائلا: “والصراحة والله، لما شفت النتيجة، حسن ما شاركتش، فيها خير وفير والله ما حقد هذا غير استنتاج ههه، أحبكم وشكرا على رسائلكم”.
