اختارت الفنانة المغربية فاتي جمالي مناسبة عيد الأم لتوجه صرخة لوزير العدل المغربي بسبب حقوق الأمهات ومعاناتهم مع القانون المغربي الذي يميز الرجل عن المرأة من ناحية الوصاية على الأبناء والإجراءات الإدارية المتعلقة بذلك.
واختارت فاتي جمالي حسابها الرسمي بموقع التواصل الاجتماعي إنستغرام لتعبر عن ما في داخلها، حيث نشرت تدوينة مطولة دعت من خلالها للمساواة في حقوق الأمهات مثل الأباء.
و أضافت حديثها راوية تجربتها الشخصية مع هذا الموضوع حيث قالت: ”إلا كنت أنا كأم معنديش الحق ناخد بطاقة وطنية ولا جواز8 السفر متعلقة بولدي لي مجرد أنني مرأة ولكن الرجل يقدر يخدو بلا موافقة الأم (أين هي المساواة) كيقولك لا مرأة تقدر تهرب بولدها على مشاء الله شحال من راجل هرب بولادو وخلا المرأة غدي تحماق”.
وتابعت قائلة: ”أنا مع المساواة الحق لي تعطي لأب عطيه الأم، أنا كأم حملت وتوحمت وتكرفصت فالحبالة وفالولادة وفرضاعة (بحال كل الأمهات) وتكرفصت فطلاق وعندي الحضانة إتفاقيا وأنا لي كنضرب تمارة على ولدي وكنصرف عليه بحالي بحال بزاف الأمهات المغربيات القادات لي تهز ولادها بسنانها خصني نتسنى ورقة من عند الراجل حيت الحيوان المنوي ديالو (بلاما تصدموا من الجملة لأنو هذا هو الواقع )”.
وواصلت:” أنا معنديش مشكل مع الشخص قد ما عندي مشكل مع القانون لي خصو يعطيني قيمتي فالمجتمع منذ شهور ولدي بلا أوراق و دابا خصني نطلع ونهبط فالمحاكم باش ناخد هد الحق لمجرد أني امرأة.”
ووجهت الفنانة المغربية رسالة خاصة لوزير العدل “عبد اللطيف وهبي” جاء فيها :” كنتمنى منك كوزير عدل وحقوقي لي كان مهتم بالقضايا الأسرية، المهنية وحقوق الإنسان يعطي الأم حقها أكيد المشكل ديالي بسيط بالنسبة للمشاكل الأخرى لي كتواجه الأم لأنها مجرد امرأة في مجتمع ذكوري”.
وختمت صرختها بالقول: ”ولكن صعيب تكوني كديري كاع المهام الحياتية وتعتابري راسك قوية و راجل ونص وفالآخر تلقاي راسك غير زايدا فهاد الكرة أرضية منذ شهور وفمي كياكلني باش نهدر على الموضوع وكنت دیما کنتردد ولكن عيد الأم ستفزني، أخيرا الأم هي أمك أختك وبنتك ولكم واسع النظر”.
وخلفت تصريحات فاتي جمالي ضجة واسعة على منصات التواصل الاجتماعي بين مؤيد لحديثها ومساند وبين معارض، كما أنها استقبلت رسائل من مجموعة من الأمهات اللواتي يعانين الأمر ذاته.