بعد اعتزالها..حلا شيحة تهاجم تامر حسني بسبب مشاهدها الرومانسية معه في كليب أغنيته والأخير يرد
هاجمت الفنانة حلا شيحة الفنان المصري تامر حسني، بعد تداول فيديو كليب فيلم “مش أنا”، بسبب احتوائه على مشاهد رومانسية جمعتهما.
وعبرت حلا شيخة في تدوينة على حسابها الرسمي على موقع “انستغرام”، عن غضبها لعدم حترام تامر حسني لوعده لها، ودونت قائلة :”أنا اتفاجئت جدا بنزول كليب يجمع فيه مشاهد متفرقة من الفيلم وخصوصا بعد آخر بوست نزلته ووضحت فيه انا ايه ..وتفاجئت اكتر خصوصا بعد وعد تامر حسني ليا وتأكيده انه حیحترم رغبتي وبعض الطلبات اللي طلبتها منه بكل احترام وود الصيف اللي فات وأکد لي إنه سيحترم رغبتي”.
وأضافت حلا شيحة: “إحنا يمكن نجحنا بمقايس الدنيا بس صدقوني بمقایس ربنا احنا لم ولن ننجح انا عارفة ومتاكدة ان زملائي جواهم خير بس للاسف فتنة الشهرة والنجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا”.
وكشفت الفنانة أنها انهارت باكية بعد طرح مشاهد الكليب، وزادت قائلة: “كلنا نغلط ولازم نغلط علشان احنا بشر بس المصيبة اننا بنغفل وبننسی الفن بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن”.
من جهته، خرج تامر عن صمته ورد على هجوم حلا شيحة ونفى قطعا حقيقة وعده لها بعدم نشر الكليب على اليوتوب.
وأكد تامر في تدوينة نشرها عبر صفحة “الانستغرام” الخاصة بحسابه، أنه وعد حلا بإزالة بعض المشاهد من الكليب وليس الكليب كاملا ووفى بوعده تجاهها، وزاد قائلا:”أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف…الحقيقه اني احترمت كلامي معاكي ووعدتك أشيل مشاهد تانيه طلبتيها شيلتها بالفعل وشكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ “.
واستطرد الفنان قائلا: ” الفيلم بقاله 3 أسابيع في السينمات والكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟ منطق غريب فعلاً يا حلا ، و بعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه”.
وأوضح تامر أن حلا لم تكن ترد على تصالاته لمشاهدة الفيلم قبل إصداره، مشيرا إلى أنها اختفت فجأة ولم تنه تصوير وتركيب الصوت على الصورة، وأضاف قائلا :” بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي”.