عبر الفنان الكوميدي أسامة رمزي عن سعادته الكبيرة، بعيش تجربة التمثيل والمشاركة في كتابة السلسلة الرمضانية “كبور والحبيب”، وتقدم برسالة خاصة لكل من هيثم مفتاح وحسن الفد.
ونشر أسامة صورة مركبة عبر انستغرام، توثق عدة لحظات من فترة التحضير لكتابة السلسة وتصويرها، ثم كتب:” ستة شهور كاملة وانا معهم كانشوفهم يوميا قبل ما نكتبو فالحلقة ضروري واحد الساعة ديال التعاويد وتجارب الحياة والقصص ديال كل واحد حتى كانشوفو راسنا خاص نبداو”.
وأضاف رمزي: “كنبداو نحطو فالأفكار وهنا أنا كنت محمقهم كانهرب بوحدي ونمشي لكوكب آخر نبقى نضحك بالدموع كايخليوني تا نسالي ويقولو صافي مشينا آ أسامة هههه كانبداو نسمعو ل بعضياتنا هادي تصلاح هادي لا ونختلفو على فكرة شي مع شي ضد ونبقاو شحال باش نتافقو و يا ويلنا إيلا كانت فكرة مقتنع بيها هيثم ههه وشي مرات كانطيحو على شي فكرة كانبقاو نضحكو آش جاب ما سكتنا”.
ثم ختم صاحب شخصية كلاطة بالقول: “كاضرب ديك الربعة كانبداو نلواو شوية با حسن كايحك راسو هيثم ساهي أنا شاد قرعة ديال الما كانمعس فيها حتى كايقول لينا با حسن الدراري وقيفة نتعالجو ونرجعو شي مرات كانجبدو فديك الوقيفة و كانقول ياكما تال غدا ونكملو كاينوض ليا هيثم آ لا نكملوها اليوم كانبقاو خدامين شي مرات تال منتصف الليل و شي مرات فتناه تا كانساليو حلقة كاين حلقات اللي خدمنا كل واحد ف بلاد كتبنا حلقات وحنا مسافرين ف قهوة وحنا كانتغداو وشي مرات كل واحد عندو خدمة ف بلاصة وكانخطفو شي ساعة ولا جوج وقتنا كلو كان لهاد العمل حتى التصوير كان فشكل فيه الضحك وفيه المعقول بزاف ديال المعقول أنا شخصيا حسيت بالضغط ف شي أوقات كنت كانشوف بحال عمل ديالي وخاص ندير فيه أي حاجة باش يطلع مزيان كانت تجربة واعرة واخا إختصرت فيها شحال من حاجة ولكن من غير الإستفادة الفنية من هاد الجوج اللي علموني بزاف وعاونوني راه بصح ربي فاش كايبغيك كايلاقيك بولاد الناس”.
https://www.instagram.com/p/Bk830jqAa2O/?utm_source=ig_share_sheet&igshid=62s62q2o6ij3
يشار أن أسامة رمزي خاض تجربته الأولى في عالم التلفزيون، خلال موسم رمضان الماضي، حيث قدم شخصية “كلاطة” خلال خمس حلقات من الموسم الجديد لكبور والحبيب، ولقي استحسانا كبيرا من الجمهور الذي أحب طريقة أدائه.