فتح مخرج كليب تاشنويت نبيل بلحيرش، قلبه لمتابعيه بصفحته الخاصة على مواقع التواصل الإجتماعي “فيسبوك” حيث حكى معاناته مع أحد المستشفيات الخاصة في بلادنا.
وكتب “بلحيرش” تدوينة بالموقع المذكور قال فيه: “نهار على نهار كنزيد نكره هذا البلاد ليوم مشيت كلينيك لي غدي دير فيه الوليدة عملية من بعد ما قدينا كاع لوراق، مشينا عند الطبيب لي غدي دير عملية هو يطلب لينا 7000 درهم (نوار) يعني مدخلاش فالأوراق بينا وبينو، من غير 11800 درهم لي أصلا فيها خلاص ديالو و ديال كلينيك، وسبب هو قاليك ما يديرش عملية بهذه الخطورة بجوج دريال لي غادي يعطيه الكلينيك”.
وأضاف المتحدث ذاته: “ولا مبغيتوش نكتب ليكم ورقة سير سبيطار ديال مخزن شدوا النوبة، الحمد الله عندنا باش نخلصوا، تخيلت سيناريو وحد اخر كون مكانش عندنا فلوس، للأسف هدشي لكي وقع، معندكش فلوس سير لدارك ساين الموت”.