كشف الشرطي المغربي المثير للجدل “هشام الملولي” الملقب بـ “بروسلي المغرب”، عن طريقة قانونية وفعالة لإسترجاع الهاتف في حال سرقته سواء تحت التهديد بالسلاح الأبيض أو السرقة بالنشل.
ووجه “الملولي” من خلال صفحته الخاصة على “فايسبوك” نصيحة للمغاربة جاء فيها:” أي واحد فينا تشفر ليه تيليفون أولى كيعرف شي واحد تسرق ليه، ولكن قليل فينا لي كيعرف شي واحد ديكلارا اي دار شكاية عند الشرطة. هاد الشي هو الديفو لي كنديروا، كل واحد فينا كيسمع بالشرطة العلمية ولكن عمرنا مكملنا الجملة وقلنا الشرطة العلمية والتقنية”.
وأضاف قائلا: “أجي نفصلوا هاد التقنية مزيان؟ التقنية أي مواكبة التقنيات الحديثة من اجهزة وحواسيب او غيرها، الشرطة التقنية عندهم مصلحة مكلفة فقط بتتبع الهواتف وفك تشفيرها ومراقبة المكالمات”.
وتابع المتحدث ذاته: “الشفار ملي كيسرق كيفورماطي التيليفون وكيخدم نمرة من نوامر ديال هاد البلاد، ملي كتخدم اي نمرة فالتيليفون راه اتوماتيكياً كتعرف عند الشرطة التقنية او “ANRT” غادين تقولوا كيفاش عرفوا النمرة جرب تركب فالتليفون ديالك (#06#*)، غادي يطلع ليك واحد الرقم سميتوا الايمي، هاد الرقم لي طلع ليك عندك نتا بوحدك فالعالم كامل او ميمكنش يتبدل، لحد الساعة تفاهمنا، مزيان، اذن كنطلب من اي واحد يحط هاد الرقم فالأجوندا ديالوا، ولي معندوش كونطرا ديال لاكارط سيم يمشي يديرها”.
وأضاف الملولي:” الأن تشفر ليك تيليفون ونتا عندك هاد جوج سوارت شنو غادي دير؟.. اولا غادي تسول فين كاين لابيجي ديال البوليس واي مدينة فيها البوليس عندها مركز ديال لابيجي، غادي توجه عندهم وغادي تدير شكاية انك تشفرتي بالسلاح الابيض او اي عنف واجهك وغادي تقوليهم عندي الرقم التسلسلي ديال الهاتف غادين ياخدوه وغادين اي سايفطوه للشرطة العلمية والتقنية او من بعد ايام غادين يعيطوا ليك وغادين يجبدو ليك اخر الارقام والمحادثات وغادي يتسناو منك تقوليهم هذا تليفوني، من بعد غادين يجيبوا الشفار ولا لي شراه من عندوا في حالة التماطل كاين وكيل الملك كاتدير عندو شكاية وكاتابع الملف ديالك بطريقة قانونية”.
واختتم هشام تدوينته بالقول :” تصورو كون كولشي كايدير هادشي، شحال ديال الشفارة غادي يديرو بناقص من سرقة الهواتف على الأقل وغادي تكون ساهمتي في الحفاظ على الأمن الشرطة الوطنية المغربية”.
