انفعل الفنان المغربي إيهاب أمير، مؤخرا، على جمهوره بالبث المباشر في تطبيق “loops”، الأمر الذي أدى إلى غضب واستفزاز عدد كبير منهم.
وكتب خريج برنامج “ستار أكاديمي ” اعتذار رسمي لمتابعيه قال فيه :” اليوم أنقول كلام من قلبي، من بعد واحد الفترة ديال التفكير، لقيت راسي غالط في شي حوايج وبغيت نعتدر، والإعتدار ماشي ضعف، أنا واحد الإنسان اللي تعب في حياتو بزاف وشخصيتي قوية، ولكن ماكنتش مولف على الضغط بزاف، فالغلط لي كندير أنني كنتأثر بالتعليقات وهذا عادي لكن غلط كبير أنك تخرج وتبين ولكن أنا باقي صغير والإنسان يخطأ، كنعتدر لجمهوري الحبيب”.
وأضاف قائلا :”راكم عارفين إيهاب مزيان، ديما كاندوي من قلبي بحال شي طفل، شي ناس كيستغلوا هادشي الله يسمح ليهم، المهم كنواعدكم أنني عمري في حياتي ماغادي نقول أي حاجة، وغادي نركز باش نطور راسي ونكمل ونبقى في المستوى، قولو أي ملاحظة، أي نصيحة غادي ندير بيها وغادي نتواصل معاكم، ويلا قصرت غادي نكون مشغول في الأعمال الجاية”.
وختم كلامه بالقول :” وإيهاب أمير غادي تكون سمية كبيرة من هنا القدام، وأنا قدها، حاربت وحاربت وباقي كنحارب بالإمكانية وبلاها تال أخير لحظة في عمري لأني كنبغي عملي وغادي نتطور أكثر وأكثر، كلام من القلب، اعتدار مرة أخرى”.
ويذكر أن إيهاب أمير أطلق أغنية جديدة يوم السبت الماضي تحمل عنوان « وحدة وحدة عليا » صورها على شكل فيديو كليب تحت إشراف المخرج حسن الكرفطي، ولاقت نجاحا كبيرا كما حظيت أيضا بنسبة مشاهدة كبيرة في مدة زمنية قصيرة.
