نشرت الممثلة المغربية أمال صقر عبر صفحتها الشخصية على موقع التواصل الاجتماعي فايسبوك، رسالة وجهتها للمقبلات على الزواج، وتحدثت فيها عن شروط اختيار شريك الحياة وكيفية العيش والتعامل مع الزوج والأبناء.
وابتدأت أمال تدوينتها بتعريف للمعنى الحقيقي للزواج قائلة: ” الزواج ماشي هو تلبسي كسوة بيضة و تحني يديك و تنوضي الموسم و الحيحة و تصاور و تبدلي سميتك لأميرة زوجي ، ولا زوجي قرة عيني ولا زعتر”.
وقالت: “الزواج هو تعيشي انت وراجلك عشران ماشي مزوجين غي باش تولدو البجاغط و تربيوهوم و هو يمشي يخدم و انت تبقاي كاطيبي و هو يشوف فيك مجرد وسيلة لإفراغ المكبوتات فلحلال و انت تشوفي فيه مصباح علاء الدين السحري لي يقدر يحقق ليك أي حاجة”.
وتابعت: “الى ماتزوجتيش شي واحد قاري و مثقف و مخوو عااامر و ضحووكي و احمق و مازال باغي يعيش حياتو معاك ، تحماقو بجوج ، تجلسو فالدار بحال الصحاب و لعشران ، تعاونو فكولشي ، تلعبو ، تضاربو بالما ، تلعبو بلاي ، تخرجو ديرو سبور ، تقراو شي كتاب و تجلسو تناقشوه ، تفرجو فيلم ، دخلو شي مرات للكوزينة بجوج ، طيبو بجوج ، تختارو الحياة لي تناسبكوم بعيدة بزاااف على العالم الخارجي حيت اتكونو عايشين فعالم خاص بيكوم ، ماتكونو تشبهو حتى لشي حد ، و ماتسوقو حتا لشي حد”.
“لي دخل لداركوم يحس بديك المودة ، و الحب ، و ديك العلاقة لقوية لي تخلي ناس تقتادي بيكووم ، داك الحب لبسيط لي خالقين سعادة ببساطة ، لي كاتجمع انت وياه على براد أتاي بالنعناع و كوميرة و زويتة بلدية و شوية زيتون و تبقاو تكركرووو و تعاودو، وتخاصمو على آخر زيتونة و تشوفو شكون كلا اكثر من لاخوور .. تولدو شي بنية ولا وليد يعمر عليكوم الدار ، تكبروه بجوج ، تحمقووه يخرج كيشبه فيكووم ، تسهرو معاه بجوج ، تلعبو معاه ، تخرجوه ، تعلميه يقول ماما زوينة و بابا بوعو ،، تحسي براسك ملكتي الدنيا و مابقا خاصك والووو “.
“يكون ثمرة حب و اختيار شريك حياة ناجح و يكون أعظم أب … الحياة الزوجية فاش كاتلقى شي إنسان لي محتاج يعيش ، محتاج يجرب حوايج جداد مع واحد الإنسانة ، تعوضو على كل حاجة كان محروم iمنها فالماضي”.
واختتمت كلامها قائلة: “الا ماكنتوش غادي تعيشوو هاد الحياة ، بلا ماتزوجوو خليكم هاكا احسن خلي تران يفوتك احسن ماتركبو و تمشيو لشي وجهة انتونا ماغتحملوهاش و ماباغينهاااااش”.