باسو ينتقد سياسات المسؤولين: “لحيس الكابة وباك صاحبي خرجو على البلاد”

انتقد الفنان الكوميدي المغربي محمد باسو ما تعرفه عدد من المؤسسات المغربية من زبونية ومحسوبية وغياب لحس المواطنة لدى كثير من المسؤولين.

باسو قال في تدوينة مطولة نشرها على صفحته الرسمية بموقع التواصل الإجتماعي فيسبوك “من بين لحوايج لي خلات هاد لبلاد اللور و مزال غادي تخليها اللور لسنوات طوال هو إسناد الأمور لغير أهلها، و لحيس الكابة و باك ومك و خالتك صحابي، و كلها كيجر لعرامو في غياب تام للمواطنة”.

وقارن باسو بين ما يجري في البلدان المتقدمة مقارنا إياها بالمغرب قائلا “في البلدان المتقدمة يتم انتقاء الأشخاص حسب قدراتهم و عطائهم و في الدوال السائرة نحو التخلف، تيليفون واحد اقضي ليك الغراض و هذا كيعرف هادي و شوية ديال لفرونسي، داكشي لي كيخليك تحس بلي شي ميادين عندها ماليها و ممنوع الزايد و الناقص، اخيب حاجة هي تحس براسك براني وسط بلادك”.

وزاد باسو انتقاده لسياسات المسؤولين المغاربة بالقول “لمغاربة كينجحو فكل ماهو فردي: لغنى، القراءة، الإنشاد، الملاكمة، ألعاب القوى، التجويد،،ملي كنجيو للجماعي كنفشلو فيه حيت لي كيتحكمو فالجماعة،،ناس ماعند بوهم غرام ديال المواطنة كيهمهم ادوزو السربيس وضربو المزانيات و المارشيات ويجرو ولادهم و ولاد طاسيلتهم امثلو لبلاد و كيبقاو ولاد الشعب كيتغددو، المهم هذا مغربهم اطحنو فيه كيما بغاو”.

https://www.facebook.com/BassoBrasou/photos/a.499120193579839/1449537825204733/?type=3&theater