عبر عدد من الفنانين المغاربة عن تضامنهم مع الممثل نور الدين بكر، بعد تصريحاته الإعلامية الأخيرة التي عاتب فيها الجمهور والمسؤولين على تهميشه له، قبل انتشار مقطع قديم له، عُرف لدى الجمهور بـ “راك غادي فالخسران أحمادي”.
ومن بين الفنانين الذين علقوا على تصريحات “بكر”، المغني الشاب فيصل عزيزي الذي كتب رسالة اعتذار مطولة قال فيها: “سيدي نور الدين سمح لينا حيت سطع نجمك فبلاد ناسها مزال كاتشوف الفنان كمهرج ما لاقي ما يدير و خفيف. سمحلينا حيت الثقافة و الوعي هي اخر هموم الحكومة عليها الناس ما عندهم حتى تقدير للفن و الفنانين”.
وأضاف عزيزي: “بانور الدين درتي اللي عليك و لكن الهيكلة الفنية منعادمة و حقوق الفنان مطحونة و مسروقة، من حقوق البث، الخلصة فالمشاريع، طريقة الإستقبال من قبل الصحفيين، و الشعب اللي اذا غلطتي غلطة صغيرة ما يرحمكش. الاستاذ نور الدين بكر مفهوم “النجم” ف المغرب صعيب يكون لأنك عارف الضو علامن خاصو يبقى مسلط… الغالي نور الدين بكر العيب ماشي فيك، العيب ف السيستم، راه البلاد غادية ف الخسران اذا ما نضناش من هاد القبلة… الناس فين و احنا فين راه مصيبة”.
وكتب الفنان حمزة فاضلي بدوره: “من الممثلين و الفكاهيين اللي حليت عيني عليه، وفكرت نفس التفكير لما شفت الضجة حول عبارة “حمادي” … أنا شخصيا ما ناسيش شحال ضحكت و تمتعت مع مسرح الحي و مسرح الشعب و زيد و زيد… نور الدين بكر، مصطفى الداسوكين، أحمد الصعري، ميلود الحبشي، فلان، عاجل، عبد اللطيف هلال، السفاج، مهيول، قشبال، زروال، ثنائي الصدقة، عبد الرؤوف و زيد و زيد… هاد الناس رمز من رموز طفولتي و رمز من رموز طفولة الملايين من المغاربة”.
وأكمل حمزة رسالته بالقول: “هاذ الناس عطاو الكثير للفن في المغرب… كفانا أدومة، كفانا نيبة، كفانا سينا و غيرهم من الوقاحة و المستوى الهزيل الذي لا يسعى الا للإنزال الى ادنى الحدود بالمستوى الفكري و الثقافي للمتفرج المغربي في حين ناس عطات و مازال تعطي كات عاني و كاتموت…صرختي جاية من الأعماق و أتحمل مسؤولية كلامي”.