أرجع لحسن الداودي، الوزير المكلف بالشؤون العامة والحكامة، ارتفاع أثمنة الخضر والفواكه، إلى ضعف الإنتاجية وتأخر التساقطات المطرية.
وأكد الوزير، في فيديو مباشر بثه من خلال الصفحة الرسمية لحزب العدالة والتنمية على الفايس بوك، أن “مشكل ارتفاع أسعار الخضر ماشي جديد، كل عام كترتفع الأثمنة حيث الطلب كثر، وداك الشي اللي كيتنتج قليل فوقت البرد راه الإنتاج قليل، واش تتذكرو العام اللي فات فين وصلات البصلة؟ راه كانت أغلى من البنان، ؤاه المشكل هو هذا فوقت البرد، واش بني بلال غتنتج ماطيشة فهاد البرد؟ خصها تجيبها من أكادير وخاصها النقل وغيرو”.
وأشار الداودي إلى أن : “هاد الشي فيه المنافسة ولكن راه حتى عند الفلاح غالي..ردو البال، راه بطاطا ما غلياش حيث كاين الإنتاج، إذن خاص الناس.. واش الحكومة غتطيح الشتا؟ واش الحكومة غتعمر الباراجات؟ الباراج ديال بين الويدان بقات فيه 12 في المية.. شمندر ولكن هاد الشي من عند الله يلا غاتنا الله راه الخير تيكون”.
وبخصوص مياه السقي، قال الداودي:”تحلية ماء البحر أولية ميمكنش دار البيضاء تهز الما دلفقيه بنصالح باش تشرب، وكل مدن ساحلية خاص نديرولها تحلية ماء البحر، وديك الما يبقا للفلاحة مع الأسف راه تأخرنا”