طلبت خريجة برنامج “أراب أيدول” إيناس عز الدين من جمهورها عبر صفحتها الخاصة على موقع التواصل الإجتماعي “فايسبوك” الدعاء لها لأنها تمر من حالة صحية صعبة أثناء حملها، وذلك حسب ما أورده موقع “لها”.
وكتبت إيناس عز الدين في رسالتها بنفس الموقع: “من كل قلبي بشكر كل الناس اللي كلموني وبعتولي رسايل علشان يتطمنوا عليا وبتعذرلهم إني مش عارفة أرد لأني فعلا بكتب بالعافية بالإضافة إن صوتي مش طالع عارفة إن ناس كتير عايزين يعرفوا أنا تعبانة فيا إيه وقلقانين عليا”.
وأضافت “إيناس”: “أنا في ابتلاء شديد أوي بس ربنا قادر يقومني منه وارجع تاني أقف على رجلي، ناس كتير عارفين إي من زمان عندي مشاكل مش بتخلص في القولون إني عايشة على علاج معين بقالي سنتين علشان آكل وأشرب بدون نزيف وكتير منكم عارفين إني كنت حامل من أربع سنين في نهاية الشهر الثالث في تؤام ووقعت على السلم وقعة شديدة ونبضهم توقف وأجهضت ومن بعدها جتلي فوبيا الحمل ولمدة أربع سنين وقفت حمل من الخوف وكنت رافضة أحمل تماما وربنا أراد أن يحصل حمل وقررت أسيبه وأخطى حاجز الخوف بس للأسف أنا عندي قرحة مزمنة في القولون وبنزف من وقت للتاني ومن بعد الحمل جسمي لم يتحمل الحمل وأعراضه خاصة إني وقفت علاج القولون بقالي أكثر من شهر”.
وتابعت حديثها بلقول: “علشان فيه خطورة منه على الجنين وللأسف توقف العلاج ضرني جداً وعندي نزيف قولون، بقالي أسبوع في المستشفى عايشة على المحاليل فقط، والحمل زود الوضع سوء جداً وحالتي لن تحتمل الحمل وعدم أخذ العلاج اللازم والوضع بقى خطر على حياتي”.
وختمت إيناس عز الدين كلامها بالقول: “يارب هون عليا الوقت تعبانة أوي يارب”.